Rusiyanın Kuban vilayətindən üç atlet “Bakı-2015” ilk Avropa Oyunlarının akrobatika gimnastikası yarışlarında iştirak etmək hüququ qazanıb.

Trend Rusiya KİV-lərinə istinadən xəbər verir ki, idmanın bu növü üzrə Rusiyanın Odintsovo şəhərində keçirilən turnirdə idmançılar medallarla yanaşı, Bakıda keçiriləcək ilk Avropa Oyunlarına vəsiqə uğrunda da mübarizə aparıblar.

Yarışda Yuliya Nikitina, Janna Parxomets və Valeriya Belkina qızıl medallar qazanmaqla “Bakı-2015” birinci Avropa Oyunlarında iştirak hüququ əldə ediblər.

Milli.Az