Bakı - Quba avtomobil yolunun Siyəzən rayonundan keçən hissəsində yol qəzası baş verib.
ONA-nın xəbərinə görə, Bakı istiqamətinə doğru hərəkət edən “90 GN 474” dövlət nömrə nişanlı “Mercedes” markalı avtomobil yoldan çıxaraq ərazidə olan gölə girib.
Hadisə nəticəsində avtomobildə olan 1 qadın və 2 kişi yüngül bədən xəsarətləri alıb.
Vətəndaşların köməyi ilə avtomobil sudan çıxarılıb.
Nəqliyyat vasitəsinə ciddi ziyan dəyib.
