Goranboy rayonunda bıçaqlanma hadisəsi baş verib.
"Report"un Qərb Mərkəzinin məlumatına görə, Goranboy rayon Dəliməmmədli şəhər sakini, 1978-ci il təvəllüdlü K.Tağıyeva ailə münaqişəsi zəminində əri tərəfindən bıçaqlanıb.
Döş qəfəsindən bir neçə bıçaq yarası alan qadın Gəncə şəhərindəki xəstəxanaların birinə yerləşdirilib. O, cərrahiyyə əməliyyatı olunub və vəziyyətinin stabil olduğu bildirilir.
Faktla bağlı araşdırma aparılır.
