Bakıdakı manyakla bağlı yeni VİDEO

Bakıdakı manyakla bağlı yeni VİDEO
09:52 16 Yanvar 2015
126 Digər
Ölkə mətbuatı
A- A+

Hadisə şahidləri ANS-ə danışdılar
Paytaxtda məktəbli qıza naməlum şəxs tərəfindən hücum edilib. Hadisə Bakının Xətai rayonu, Zığ şossesindəki məhəllələrdən birində qeydə alınıb.

ANS TV-nin məlumatına görə, yaxınlıqdakı məktəbdən evə üz tutan 10-cu sinif şagirdi mənzilə daxil olmaq istəyərkən onu izləyən naməlum şəxs tərəfindən döyülüb.

Müşahidə kameralarının lentə aldığı görüntülərə əsasən, hadisə saat 12:15 radələrində baş verib. Bu zaman məktəbli qız binanın qapısından içəri daxil olur. Az sonra onun ardınca naməlim şəxs gəlir. Bundan sonra isə hadisə binanın liftində baş verir.

Bu əməli törədən şəxs yaxınlıqdakı mağazanın müşahidə kameralarından yan qaça bilməyib. Görüntülərdən aydın olur ki, şübhəli şəxs əvvəlcə qızı izləyir. Daha sonra şagird binadan içəri daxil olduqdan sonra həmin şəxs də onun ardınca bloka girir.

Cəmi üç dəqiqədən sonra məktəbli qızı döyməkdə şübhəli bilinən şəxs binanı tərk edərək qaçır. Mağaza satıcısının dediyinə görə, yetkinlik yaşına çatmayan qız döyüldükdən sonra anasına zəng vurub. O dərhal mağazaya gətirilib. Qızın üzü tanınmaz halda imiş. Burada ona ilkin tibbi yardım göstərildikdən sonra xəstəxanaya çatdırılıb.

Şahid Ceyran Balakişiyevanın sözlərinə görə, qızın üzü-gözü tanınmaz halda idi. Polislər onu götürüb apardılar: "Səhərlər evdə adam olmur. Qız dərsdən gələndə arxasınca düşüblər. Hadisə baş verməmişdən öncə birinci qız binaya girdi və ondan iki dəqiqə sonra oğlan girdi”.

Hadisə günorta saatlarında baş verdiyindən və məktəbli qız xəstəxanaya yerləşdirildiyindən ailə üzvlərini mənzildə tapa bilmədik.

Artıq faktla bağlı cinayət işi başlanılıb. Əraziyə rayon hüquq-mühafizə orqanları və Bakı Şəhər Baş Polis İdaərsinin əməkdaşları cəlb ediliblər.

Verilən məlumata görə, bu əməli törədən şəxs 27-30 yaşlarında olub. Və o ilk olaraq qızı liftdə vurub, daha sonra mənzilə daxil olmaq istəyib. Hadisənin dəqiq səbəbləri bu əməli törədən şəxsin tapılmasından sonra məlum olacaq.

Artıq faktla bağlı şübhəli şəxsin axtarışlarına başlanılıb.

Milli.Az

RƏYLƏR

BU KATEQORİYADAN DİGƏR XƏBƏRLƏR