Naməlum maskalı silahlılar şənbə axşamı Bağdaddakı "Al Hadath" televiziya kanalına hücum ediblər.
Milli.Az Trend-ə istinadən bildirir ki, bu məlumatı İraqın paytaxtında olan televiziya kanalının müxbiri Məcid Həmid canlı yayımda açıqlayıb.
Onun sözlərinə görə, silahlı hücum nəticəsində işçilər arasında zərərçəkənlər var. "Həmkarlarımdan biri başına dəyən zərbə nəticəsində ağır yaralanıb" deyə o bildirib. O qeyd edib ki, İraqın Baş nazirinin ofisi hücumla bağlı araşdırma aparıldığını təsdiqləyib.
"Al Hadath" televiziya kanalı Bağdad və İraqın digər şəhərlərində oktyabrın birindən başlayan hökumət əleyhinə iğtişaşların təfərrüatlarını gündəlik şəkildə işıqlandırırdı.
Milli.Az
