"Sabah"a texniki məğlubiyyət verilib, "Xəzər Lənkəran"a qarşı cəzaya yenidən baxılacaq

"Sabah"a texniki məğlubiyyət verilib, "Xəzər Lənkəran"a qarşı cəzaya yenidən baxılacaq
11:17 7 Noyabr 2019
51 Digər
Ölkə mətbuatı
A- A+

AFFA-nın Apellyasiya Arbitraj Tribunalının iclası keçirilib. 
"Report"un məlumatına görə, toplantıda AFFA İntizam Komitəsinin çıxardığı 3 qərardan şikayətlərə baxılıb. 
Bunlardan biri sentyabrın 29-da U-15 Liqasında keçirilmiş “Sabah” - "Binə" matçı ilə əlaqədar olub. Həmin qarşılaşma zamanı binəli azarkeşlərin meydana daxil olaraq rəqib komandaya hucum ediblər. Nəticədə oyun yarımçıq dayandırlıb. Bu səbəbdən, İntizam Komitəsi “Binə” klubuna 0:3 hesablı texniki məğlubiyyət verilib. Meydan sahibi kluba – “Sabah”a təhlükəsizliyi tam təmin etmədiyi üçün ciddi xəbərdarlıq olunub. Apellyasiya Tribunalı isə bu qərarı dəyişdirərək, hər iki komandaya 0:3 hesablı texniki məğlubiyyət verib.
Bununla yanaşı, oktyabrın 22-də U-17 Liqasında keçirilmiş “Xəzər Lənkəran” – “Kəpəz” matçı ilə bağlı qərara yenidən baxılması məqsədəuyğun sayılıb. Bununla əlaqədar qərar iddiaçının təqdim etdiyi video-görüntülərlə birlikdə AFFA İntizam Komitəsinə qaytarılıb. Bu görüşdə meydan sahiblərindən Xanoğlan İsmayılov, Gəncə təmsilçisindən isə Cavid Qurbanov 90+4-cü dəqiqədə aqressiv davranışları səbəbindən birbaşa qırmızı vərəqə alıb. “Xəzər Lənkəran” azarkeşləri isə meydana daxil olublar. İntizam Komitəsi hər iki oyunçuya 4 oyunluq cəza, “Xəzər Lənkəran”a isə 1 ev oyununu azarkeşsiz keçirilməsi qadağası qoyulub.
Futzal üzrə Birinci Liqanın “Standard” – ADBTİA matçının 11-ci dəqiqəsində meydan sahiblərinin futzalçısı Anar Həsənovun hakimə qarşı təhqiredici ifadələr işlətməsi səbəbindən 4 oyun cəzası isə qüvvədə saxlanılıb. 


Xəbərin orijinal ünvanı: https://report.az/futbol/sabah-a-texniki-meglubiyyet-verilib-xezer-lenkeran-a-qarsi-cezaya-yeniden-baxilacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR