Milli komandamız sabah Avro-2020-nin seçmə mərhələsində Uels yığmasını qəbul edəcək.
Milli.Az qol.az-a istinadən xəbər verir ki,vacib matça çıxacaq qonaqlar Bakıda dəstəksiz qalmayacaq. Bu barədə Böyük Britaniya Krallığının Azərbaycandakı fövqəladə və səlahiyyətli səfiri James Şarpın AFFA-nın baş katibi Elxan Məmmədovla bugünkü görüşündə bildirilib. Sabahkı matçın britaniyalı azarkeşlərin diqqət mərkəzində olduğu və bu qarşılaşmanı izləmək üçün Bakıya 1200 uelsli azarkeşin gəldiyi qeyd olunub.
Xatırladaq ki, "Bakcell Arena"da keçiriləcək Azərbaycan - Uels matçı saat 21:00-da başlayacaq.
Milli.Az
