ABŞ-a daha bir təhdid: “35 hədəf əlimizin altındadır”

ABŞ-a daha bir təhdid: “35 hədəf əlimizin altındadır”
18:52 4 Yanvar 2020
127 Dünya
Ölkə mətbuatı
A- A+

İran SEPAH generalı Qasım Süleymaninin öldürülməsinə görə amerikalıları cəzalandıracaq.

Milli.Az oxu.az-a istinadən bildirir ki, bunu "Tasnim" agentliyinə SEPAH-ın komandanı, general Qulaməli Əbuhəmzə deyib.

Q.Əbuhəmzə Hörmüz boğazında ABŞ gəmilərinə hücum ediləcəyi anonsunu verib.

"Hörmüz boğazı Qərb üçün əhəmiyyətlidir. Buradan çox sayda ABŞ-ın dağıdıcı və döyüş gəmiləri keçir. Bölgədə ABŞ üçün həyati əhəmiyyətli hədəflər çoxdan müəyyən edilib", - deyə general bildirib.

O qeyd edib ki, ABŞ-ın bu bölgədəki 35 hədəfi, eləcə də, Təl-Əviv İranın əlinin altındadır.  

Qeyd edək ki, Q.Süleymani yanvarın 3-də Bağdad hava limanında ABŞ aviasiyasının raket zərbələri nəticəsində ölüb. Bundan sonra ABŞ-la İran arasında gərginlik daha da artıb.

İran rəsmiləri isə bir-birinin ardınca ABŞ-ı hədələyən bəyanatlarla çıxış edirlər.

Milli.Az


Xəbərin orijinal ünvanı: https://news.milli.az/world/815356.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR