İndoneziyanın Cənubi Sumatra adasında dəniz səviyyəsinin yüksəlməsi nəticəsində 2 ada suya qərq olub.
Metbuat.az xəbər verir ki, adalardan biri 1 metr, digəri isə 3 metr suda batıb.Məlumata görə, adada yaşayış olmadığına görə ciddi təhlükə yaşanmayıb. Rəsmi dairələr xəbərdarlıq edib ki, təcili tədbirlər görülməsə yaxın aylarda daha 4 ada suya qərq olacaq. Yaşayış məskənlərinin olduğu daha bir neçə ada təhlükə altındadır.Suyun səviyyəsinin artması iqlim dəyişikliyi ilə bağlıdır.
Qeyd edək ki, İndoneziyanın ərazisi 16 min 56 adadan ibarətdir.
Anar / Metbuat.az
