Xızı, 26 may, Elxan Yusifli, AZƏRTAC
Azərbaycanın görkəmli şairi Mikayıl Müşfiqin Xızının Sayadlar kəndində yerləşən xatirə muzeyinin ərazisi genişləndiriləcək və burada yeni inzibati otaqlar tikiləcək.
AZƏRTAC xəbər verir ki, mayın 26-da Xızıya səfəri zamanı xatirə muzeyində olan mədəniyyət və turizm naziri Əbülfəs Qarayev bu işlərin həyata keçirilməsi üçün tədbirlər planının hazırlanması haqqında, eləcə də muzeyin ekspozisiyasında olan əsərlərin mühafizəsi ilə bağlı tapşırıqlar verib.
Həmçinin, şairin irsinin geniş təbliği məqsədilə müxtəlif dillərdə çap məhsullarının hazırlanması ilə bağlı da tövsiyələr verilib.
Nazir Əbülfəs Qarayev muzeyin hazırkı vəziyyəti, ekspozisiyaları ilə yaxından maraqlanıb.
