Bu gün UEFA Avropa Liqasında 2021/2022 mövsümünə yekun vurulacaq.
Metbuat.az xəbər verir ki, turnirin final oyununda Almaniyanın "Ayntraxt" (Frankfurt) və Şotlandiyanın "Reyncers" klubları üz-üzə gələcəklər. İspaniyanın Sevilya şəhərindəki "Ramon Sançes Pisxuan" stadionunda oynanılacaq qarşılaşma Bakı vaxtı ilə saat 23:00-da başlayacaq. Matçı sloveniyalı FIFA referisi Slavko Vinçiç idarə edəcək.
Bu iki komanda ilk dəfə avrokubokların finalında qarşılaşacaq.
Qeyd edək ki, Avropa Liqasının son qalibi İspaniya "Vilyarreal"ı olub.
