Gürcüstanda Sərhəd Polisinə məxsus qəzaya uğrayan helikopterdə 8 nəfər olub.
Metbuat.az xəbər verir ki, bu barədə Gürcüstanın Daxili İşlər Nazirliyindən (DİN) bildirilib.
Həmin şəxslərin dördü ekipaj üzvü, ikisi xilasedici, digər ikisi isə tibb işçisidir.
Hadisə yerinə DİN-nin müvafiq qurumları səfərbər olunub, lazımı tədbirlər həyata keçirilir.
Faktla bağlı hava nəqliyyatının istismarı qaydalarının pozulması maddəsi üzrə araşdırma aparılır.
