Braziliyanın iki futbolçusu üçün mundial başa çatıb.
Metbuat.az xəbər verir ki, əsas heyət oyunçularından hesab edilən Qabirel Jesus və Aleks Telles zədə səbəbilə növbəti oyunlarda forma geyinə bilməyəcək. Məlumata görə, Braziliya millisi finala vəsiqə qazansa belə futbolçular hazır ola bilməyəcək.
Qeyd edək ki, hər iki futbolçu Braziliyanın Kameruna 0-1 hesabı ilə uduzduqları oyunda zədələnib. Braziliya 1/8 finalda Cənubi Koreya ilə qarşılaşacaq.
