Türkiyə Superliqasında 18-ci turun mərkəzi qarşılaşması oynanılıb.
Metbuat.az xəbər verir ki, İstanbul derbisində əzəli rəqiblər “Fənərbağça” ilə “Qalatasaray” qarşılaşıblar.
“Şükrü Saracoğlu” stadionunda keçirilən matç qonaqların üstünlüyü ilə keçib. “Aslanlar” meydan sahiblərinin qapısından üç cavabsız top keçirərək liderliklərini möhkəmləndiriblər - 0:3.
Bu nəticədən sonra “Cim-Bom” 39 xalla ilk sırada, “Fənər” isə ondan 4 xal geri qalaraq ikinci pillədə qərarlaşıb.
