Xəbər verdiyimiz kimi, sabiq mədəniyyət nazirinin müavini Rafiq Bayramov bu gün əfv edilib.
Metbuat.az Qafqazinfo-ya istinadən R.Bayramovun azadlığa buraxılarkən çəkilmiş fotosunu təqdim edir.
Qeyd edək ki, Rafiq Bayramov 2020-ci ilin may ayında Dövlət Təhlükəsizliyi Xidməti (DTX) tərəfindən keçirilən əməliyyatla həbs olunub.
Siyahı ilə daha ətraflı tanış ola bilərsiniz: Prezidentdən əfv SƏRƏNCAMI
O, vəzifə səlahiyyətlərindən sui-istifadə etmə, mənimsəmə və vəzifə saxtakarlığı maddələri ilə təqsirli bilinərək Bakı Ağır Cinayətlər Məhkəməsinin qərarı ilə 8 il müddətinə azadlıqdan məhrum edilib. Daha sonra Bakı Apellyasiya Məhkəməsi həbs müddətini 4 il 6 aya endirib.
Rafiq Bayramov 2018-2020-ci illərdə sabiq mədəniyyət naziri Əbülfəz Qarayevin müavini olub.
