Xəbər verdiyimiz kimi, elm və təhsil naziri Emin Əmrullayevin əmri ilə Elsevər Əsədov Naxçıvan Dövlət Universitetinin Elm və İnnovasiyalar üzrə prorektoru vəzifəsinə təyin edilib.
Metbuat.az Elsevər Əsədovun dosyesini təqdim edir:
Elsevər Sabir oğlu Əsədov 1974-cü ildə Naxçıvan Muxtar Respublikası Şahbuz rayonunun Biçənək kəndində anadan olub. O, 1997-ci ildə Naxçıva Dövlət Universitetinin Təbiətşünaslıq və riyaziyyat fakültəsinin “Biologiya” ixtisasını, 1999-cu ildə isə universitetin Magistratura təhsil pilləsinin “Genetika və seleksiya” ixtisasını bitirib.
2000-ci ildə Naxçıvan Dövlət Universitetinin “Təməl tibb fənləri” kafedrasında laboratoriya müdiri, 2002-ci ildə müəllim, 2007-ci ildə baş müəllim, 2010-cu ildə dosent, 2013-cü ildə kafedra müdiri vəzifələrinə təyin olunub.
2016-cı ildən Tibb fakültəsinin dekanıdır.
2007- ci ildə “Naxçıvan MR-də bal arısının əsas bioekoloji xüsusiyyətləri, arı vərərmumunun toplanması və fiziki-biokimyəvi xassələri” mövzusunda dissertasiya müdafiə edərək biologiya üzrə fəlsəfə doktoru alimlik elmi dərəcəsi alıb.
2011-ci ildən “Naxçıvan Muxtar Respublikasında bitki mənşəli arıçılıq məhsullarının fiziki-biokimyəvi xassələri və keyfiyyət göstəriciləri” mövzusu üzrə doktorluq dissertasiyası üzərində çalışır.
15 kitabın, 65-dən artıq elmi məqalənin müəllifidir. “Biologiyadan biliklərin yoxlanılması” I,II və III hissələr, “Zoologiya (Ümumtəhsil məktəblərinin VII və VIII sinifləri üçün dərslik)”, “Bal arısının xəstəlikləri və zərərvericiləri”, “Naxçıvanda arıçılıq: ənənələri və perspektivləri”, “Azərbaycan təbii balının keyfiyyət göstəriciləri və dövlət standartları” kitabları elmi-pedaqoji mühitdə rəğbətlə qarşılanıb.
2018-ci ildə Azərbaycan Respublikası “Avropa nəşr mətbuat evi”nin “Ən yaxşı vətənpərvər tədqiqatçı alim” qızıl medalı ilə təltif edilib.
Ailəlidir, 3 övladı var.
