“Qardaş Azərbaycanla əməkdaşlığımızı davam etdirməkdə qərarlıyıq. Türk dünyasındakı bütün proseslər bizi maraqlandırır”.
Metbuat.az-ın xəbərinə görə, bu fikirləri Türkiyənin ətraf mühit, şəhərsalma və iqlim dəyişikliyi naziri Mehmet Özhaseki Bakıda "Türk Şəhidliyi" abidəsi qarşısında çıxışı zamanı deyib.
Onun sözlərinə görə, Türkiyə Azərbaycanla birgə hərəkət etməyə davam edəcək: “Biz kədərə də, sevincə də şərik oluruq. Odur ki, Azərbaycanla da əməkdaşlığı davam etdirəcəyik. Bir olmağa davam edəcəyik. Bu, hazırkı dövrdə xüsusilə çox vacibdir. Çünki dəyərlərimizə qarşı olanlar indi birləşiblər və vicdansızcasına hücum edirlər”.
