ABŞ Prezidenti Co Bayden federal hökumətin bağlanmasının qarşısını alacaq müvəqqəti büdcə qanun layihəsini qəbul edib.
Metbuat.az xəbər verir ki, bu barədə Ağ Evdən açıqlama verilib. Yazılı açıqlamaya görə, Bayden daha əvvəl Nümayəndələr Palatası və Senat tərəfindən qəbul edilən qanun layihəsini imzalayıb. Qanun layihəsi nazirliklərə maliyyə ayrılmasını nəzərdə tutur.
ABŞ qanunlarına görə, Konqres oktyabrın 1-də başlayan və sentyabrın 30-da başa çatan maliyyə ili üçün daimi büdcəni təsdiq edə bilməzsə, boşluq müvəqqəti büdcələrlə bağlanmalıdır. Müvəqqəti büdcənin təsdiq edilə bilməyəcəyi dövrlərdə xərcləmə səlahiyyətlərini itirmiş federal qurumlar fəaliyyətini müvəqqəti dayandırır.
