2023-cü ilin yanvar-oktyabr aylarında Azərbaycanda ictimai iaşə dövriyyəsi 2022-ci ilin müvafiq dövrü ilə müqayisədə real ifadədə 19,5 faiz artaraq 1651,1 milyon manat olub.
Bu barədə Metbuat.az-a Dövlət Statistika Komitəsindən məlumat verilib.
Özəl sektorda ictimai iaşə dövriyyəsinin 50,5 faizi hüquqi şəxslərin, 49,5 faizi isə bu sahədə sahibkarlıq fəaliyyəti ilə məşğul olan fiziki şəxslərin payına düşür. Hüquqi şəxslər üzrə dövriyyə 2022-ci ilin yanvar-oktyabr ayları ilə müqayisədə 20,8 faiz artaraq 825,2 milyon manat olub.
Ümumilikdə 2023-cü ilin yanvar-oktyabr aylarında əhaliyə göstərilən ödənişli xidmətlərin dəyəri 2022-ci ilin müvafiq dövrü ilə müqayisədə real ifadədə 15,3 faiz artaraq 9 milyard 87,1 milyon manat olub.
