Kimisi yanaraq yararsız hala düşən materialları ərazidən təmizləyir, kimisi də yanğından zədələnməmiş materiallarını bazardan çıxarmağa çalışır.
Metbuat.az "Xəzər Xəbər"ə istinadən xəbər verir ki, paytaxtın Binəqədi rayonu, Ziya Bünyadov prospektindəki inşaat materialları bazarında yanğın zamanı 4 min kvadratmetrə yaxın əraziyə ciddi ziyan dəyib.
Yanğından sonra taxtanın qiymətində isə ucuzlaşmanın olduğu bildirilir. Son günlər sosial şəbəkələrdə bu mövzu da müzakirə edilir.
Çəkiliş apardığımız zaman satıcıların bir qismi yanğın hadisəsindən sonra qiymətlərin endiyini desə də, bir qismi qiymətlərin eyni səviyyədə qaldığını deyir.
Alıcılar da qiymətin əvvəlkinə nisbətən münasib olduğunu deyirlər.
Ekspertlər isə hesab edirlər ki, taxta bazarında umumiyyətlə yaxın aylarda bahalaşma gözlənilmir. Qiymətlərdəki enmə isə qısamüddətlidir.
Daha ətraflı videoda:
