Xəzər dənizində zəlzələ olub.
Metbuat.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.
Bildirilib ki, 7 dekabr, yerli vaxtla saat 08:16 Xəzər dənizində zəlzələ qeydə alınıb.
Yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.
Zəlzələ Bakıda və bir sıra şəhərlərdə hiss olunub.
08:26
Azərbaycanda güclü zəlzələ baş verib.
Metbuat.az xəbər verir ki, zəlzələ paytaxt Bakıda da hiss olunub.
Respublika Seysmoloji Xidmət Mərkəzindən bildirilib ki, ilkin məlumata əsasən yerli vaxtla 08:15-də baş verən zəlzələ Azərbaycan ərazisəndə zəlzələ qeydə alınıb.
Qeyd edək ki, "Google" zəlzələ servisində zəlzələnin Sumqayıtdan 58 km məsafədə, Xəzər dənizində baş verdiyi bildirilir.
