Azad olunmuş ərazilərdə 4 ASAN xidmət mərkəzi inşa edilərək fəaliyyət göstərəcək.
Metbuat.az-ın məlumatına görə, bunu jurnalistlərə açıqlamasında Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev deyib.
O bildirib ki, hazırda Şuşa şəhərində ASAN xidmət mərkəzinin tikintisi davam etdirilir:
"Bu il həmin mərkəz fəaliyyətə başlayacaq. Eyni zamanda, gələcək illərdə Ağdam, Cəbrayıl və Laçın şəhərlərində də regional ASAN xidmət mərkəzləri fəaliyyət göstərəcək".
Cavidan Mirzəzadə / Mətbuat.az
