İsrail ordusu Livanda ağır itkilər verib.
Metbuat.az xəbər verir ki, bu barədə İsrail ordusundan açıqlama verilib. Məlumatda, Livanda baş verən qarşıdurmalarda biri mayor və biri kapitan olmaqla daha 5 əsgərinin öldüyü açıqlanıb. Toqquşmalarda 4 İsrail əsgərinin ağır yaralandığı qeyd edilib. İsrail mediasının məlumatına görə, Livanın cənubunda əsgərlərin olduğu bina raketlə bombalanıb. İtkilər həmin hücum zamanı qeydə alınıb. Xəbərdə eyni hücumda 7-si orta, 8-i yüngül olmaqla daha 15 əsgərin yaralandığı, yaralananların ümumi sayının 19-a çatdığı bildirilib.
Qeyd edək ki, İsrail ordusu ötən ay Livanda quru hücumlarına başlayıb. İsrail ordusu quru hücumlarına başlayandan bəri 29 itki verdiyini açıqlayıb.
