Rusiyanın Müdafiə Nazirliyi Ukraynanın Braynsk bölgəsinə ABŞ istehsalı olan uzaqmənzilli taktiki ATACMS raketləri ilə hücum etdiyini açıqlayıb.
Metbuat.az xəbər verir ki, açıqlamada Ukrayna ordusunun Bryansk bölgəsinə 6 ballistik raket atdığı bildirilib. Açıqlamada raketlərin S-400 və “Pantsir” hava hücumundan müdafiə raket sistemləri ilə zərərsizləşdirildiyi qeyd edilib.
Rusiyanın Müdafiə Nazirliyinin məlumatında, “Hücumda ABŞ istehsalı olan ATACMS operativ-taktiki raketlərindən istifadə edilib. Onlardan 5-i vurulub, 1-i zədələnib. Onun hissələri Bryansk vilayətində hərbi obyektin texniki zonasına düşüb” - deyə bildirilib.
Qeyd edək ki, ABŞ administrasiyasının Ukraynaya məhdud şəkildə Rusiya ərazisində uzaqmənzilli ABŞ silahlarından istifadə etməyə icazə verdiyi barədə xəbərlər dərc edilmişdi.
