İspaniya La Liqasında 16-cı turun oyunları keçirilib.
Metbuat.az oxu.az-a istinadən xəbər verir ki, son çempion "Real Madrid" səfərdə "Jirona"nın qonağı olub.
Meydan sahibləri matçda adlı-sanlı rəqibinə müqavimət göstərə bilməyib və 0:3 hesabı ilə məğlub olublar.
Kral klubundan Cud Bellingem (36), Arda Güler (55), Mbappe (62) fərqləniblər.
Beləliklə də, hazırda Karlo Ançelottinin yetirmələri 36 xalla turnir cədvəlində 2-ci yeri tuturlar.
Onlar lider "Barselona"dan 2 xal geri qalsalar da, bir oyun az keçiriblər. "Jirona" isə 22 xalla 8-ci pillədə qərarlaşıb.
