Niderland Həvəskarlar Liqasının komandaları - “SV Brandevoort” və “SV De Braak” Helmondda hakimsiz matç keçiriblər.
Metbuat.az “Aktif Tv”ə istinadən xəbər verir ki, hakimsiz baş tutan oyunda futbolçular qaydalara əməl edib.
İlk qayda pozuntusu 17-ci dəqiqədə aradan qaldırılıb. Oyun qonaqların minimal hesablı qələbəsi ilə yekunlaşıb.
“De Braak”ın kapitanı Larbi Kerkaze oyundan sonra hakimsiz futbol oynamağın çətin olduğunu bildirib:
“Matçda müəyyən məqamlar olur ki, hakimə ehtiyacınız olur. Bu layihəni həyata keçirməyimiz xoşuma gəlir, amma bu, məşq matçı olması və komandaların bir-birini tanımasıdır. Proqramda vacib matç olanda hakim həlledici rol oynayır”.
Məlumata görə, təcrübə hakim-oyunçu gərginliyini azaltmaq və ədalətli oyun ruhunu gücləndirmək məqsədi daşıyıb.
