Beynəlxalq Futbol Tarixi və Statistikaları Federasiyası milli çempionatların reytinq siyahısını açıqlayıb. Fanat.az xəbər verir ki, Azərbaycan çempionatı 37-ci sırada qərarlaşıb.
Topaz Premyer Liqasının hesabında 421 reytinq xalı var. Çempionatımız 6 pillə irəliləyib. Belə ki, Topaz Premyer Liqası ötən siyahıda 43-cü olmuşdu.
Azərbaycan birinciliyi Polşa, Moldova, Serbiya, Estoniya, Danimarka və bir sıra başqa ölkələrin çempionatlarını qabaqlayıb.
İlk sırada İspaniya La Liqası qərarlaşıb - 1259 xal. İtaliya A Seriyası ikinci (998), İngiltərə Premyer Liqası üçüncüdü (958). Rusiya Premyer Liqası 12-ci (653.5), Türkiyə Super Liqası 27-ci (519) olub. Rusiya birinciliyi 4, Türkiyə çempionatı 14 pillə geriləyib.
Fanat.az
