Milli Məclisin deputatları arasında eyni adı daşıyan şəxslər az deyil. VII çağırış parlamentin tərkibində müxtəlif seçki dairələrini təmsil edən və fərqli sahələr üzrə fəaliyyət göstərən bir neçə deputatın adı eynidir.
Metbuat.az xəbər verir ki, hazırkı Milli Məclisdə 11 ad üzrə adaş deputat qrupları mövcuddur. Bu qruplarda ümumilikdə 25 deputat yer alır. Ən çox təkrarlanan ad isə Azərdir.
Azər adı 4 deputarda var: Azər Allahverənov, Azər Badamov, Azər Əmiraslanov və Azər Kərimli. Onlar müxtəlif seçki dairələrini təmsil edir və parlamentin ayrı-ayrı komitələrində fəaliyyət göstərirlər.
Vüqar adı üç deputarda təkrarlanır: Vüqar Bayramov, Vüqar İskəndərov və Vüqar Rəhimzadə.
İki deputatın eyni adı daşıdığı qruplar isə daha çoxdur:
Aydın: Aydın Hüseynov, Aydın Mirzəzadə
Elman: Elman Məmmədov, Elman Nəsirov
Günay: Günay Ağamalı, Günay Əfəndiyeva
Müşfiq: Müşfiq Cəfərov, Müşfiq Məmmədli
Musa: Musa Qasımlı, Musa Quliyev
Səbinə: Səbinə Xasayeva, Səbinə Salmanova
Şahin: Şahin İsmayılov, Şahin Seyidzadə
Tahir: Tahir Mirkişili, Tahir Rzayev
Ülviyyə: Ülviyyə Ağayeva, Ülviyyə Həmzəyeva
Beləliklə, Milli Məclisdə 11 müxtəlif ad üzrə adaş deputatlar var. Onlardan dörd nəfəri Azər, üç nəfəri Vüqar adını daşıyır, digər doqquz adda isə iki deputar təmsil olunur. Rəsmi parlament siyahısına əsasən, bu qruplarda ümumilikdə 25 deputar yer alır.
Maraqlıdır ki, eyni adı daşıyan deputarlar yalnız adları ilə deyil, təmsil etdikləri seçki dairələri və parlamentdə fəaliyyət göstərdikləri istiqamətlərlə də bir-birindən fərqlənirlər. Bu isə Milli Məclisin tərkibində maraqlı adaşlıq mənzərəsi yaradır.
