Kriptovalyuta bazarında son sutka ərzində əsasən müsbət dinamika müşahidə olunub.

Metbuat.az xəbər verir ki, “CoinMarketCap” platformasında “Bitcoin” son 24 saatda 1,26% bahalaşaraq 79 828,21 ABŞ dollarına yüksəlib.

“Ethereum” 0,09% artaraq 2 491,86 dollara, BNB 0,97% bahalaşaraq 709,52 dollara çatıb. “Zcash” 0,87%, “Bittensor” 2,59%, “Monero” isə 5,75% bahalaşıb. “Bitcoin Cash” isə 0,75% ucuzlaşaraq 264,41 dollara enib.

Qızıl əsaslı kriptovalyutalarda isə ucuzlaşma qeydə alınıb. “PAX Gold” (PAXG) son sutkada 1,04% ucuzlaşaraq 4 574,08 dollara, “Tether Gold” (XAUT) isə 0,96% azalaraq 4 570,50 dollara düşüb.

Kriptovalyuta bazarının ümumi kapitallaşması son sutkada 0,93% artaraq 2,68 trilyon dollara yüksəlib.
“Bitcoin”in bahalaşmasına bazarda risk iştahının yüksək qalması və kriptovalyutalara investor tələbinin davam etməsi dəstək verir.