Bakı, 19 iyun, Laçın Sultanova, AZƏRTAC
Bu gün Peterburq Beynəlxalq İqtisadi Forumu – 2015 tədbiri çərçivəsində Azərbaycan Respublikası Dövlət Neft Şirkətinin (SOCAR) prezidenti Rövnəq Abdullayev ilə “Qazprom” açıq səhmdar cəmiyyətinin idarə heyətinin sədri Aleksey Miller arasında işgüzar görüş olub.
AZƏRTAC “Qazprom” ASC-nin saytına istinadla xəbər verir ki, görüş iştirakçıları energetika sahəsində qarşılıqlı fəaliyyətin gələcək inkişafı məsələlərini müzakirə ediblər.