Bakı-APA. Xaçmaz şəhərində 1985-ci il təvəllüdlü Lətifov Anar Zahid oğlunun cəsədi yüksək gərginlikli elektrik transformatorunun içərisində aşkar edilib.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, nazirliyin xilasetmə qüvvələri hadisə yerinə cəlb olunub.
Xilasedicilər transformatordan A.Lətifovun cəsədini çıxarıb aidiyyəti üzrə təhvil verib. Əməliyyat saat 23:20-də başa çatıb.