Bu gün mətbuatda Azərbaycanın Avropa Şurası yanında keçmiş daimi nümayəndəsi Arif Məmmədovun müsahibəsi ilə tanış oldum. Müsahibədə bir məqam diqqətimi cəlb etdi. O, açıq şəkildə bildirir ki, "Avropa Şurasında işləyən vaxtlar hər zaman çalışırdım ki, Azərbaycanda olan həbslərin müzakirəsi zamanı avropalıları daha "düzgün" məlumatlandırım.
Milli.Az xəbər verir ki, bu sözləri millət vəkili Aydın Mirzəzadə özünün Facebook profilində yazıb.
"Diplomatın vəzifəsi hər hansı məsələ barəsində akkreditasiya olunduğu ölkədə və ya təşkilatda təmsil etdiyi ölkənin rəsmi mövqeyini çatdırmaqdır. Bu, bütün dünyada qəbul edilmiş qaydadır və digər fəaliyyət mümkün ola bilməz. A.Məmmədov isə etraf etdiyi kimi bu prinsiplə deyil, avropalılara özünün "düzgün bildiyi" məlumatı çatdırmaqla məşğul imiş.
Görün onun əvvəl Avropa Birliyi, sonra isə Avropa Şurası yanında Azərbaycanın rəsmi nümayəndəsi işlədiyi dövrdə nə qədər məsələlər dünyaya rəsmi mövqeyimiz kimi deyil, onun filtirindən keçdikdən sonra və onun "düzgün" bildiyi formada çatdırlırmış", - deyə o əlavə edib.
Milli.Az
