Bakı, 24 yanvar, AzərTAc
ABŞ Milli Basketbol Assosiasiyasında (NBA) çıxış edən “Atlanta Hawks” komandası tarixi ərzində ən uzun qələbə seriyasını davam etdirir.
AzərTAc xəbər verir ki, “Oklahoma City Thunder” komandasını 103-93 hesabı ilə məğlub edən “Atlanta Hawks” ardıcıl qələbələrinin sayını 15-ə çatdıraraq klub tarixinin ən yaxşı göstəricisinə nail olub. Komanda bununla da cari mövsümdə ümumi qələbələrinin sayını 36-ya çatdırıb.