x
Loading...

Hərbi dənizçilərimiz Azərbaycanı layiqincə təmsil edir (FOTO)

Hərbi dənizçilərimiz Azərbaycanı layiqincə təmsil edir (FOTO)
16:56 6 Avqust 2015
43 Digər
Ölkə mətbuatı
A- A+

Mətbuatda yayılan informasiyaya görə, "guya Azərbaycanın Rusiya tərəfindən keçirilən Beynəlxalq Hərbi Oyunlar çərçivəsində “Xəzər kuboku” yarışlarına qatılan komandası uğursuzluqla üzləşib. Avqustun 5-də yarışlar çərçivəsində Rusiya və Azərbaycan hərbi donanmalarının gəmiləri yarışların açılışını etməli və ilk “duelə” çıxmalı idi. Lakin yarışların açılışı Azərbaycan komandasının iştirakı olmadan baş tutub. Bunun səbəbi Azərbaycan komandasının hərbi gəmisinin və silahlarının xarab olmasıdır. Hərbi oyunların hakimi, general-mayor Dmitri Qorbatenko jurnalistlərə bildirib ki, Azərbaycan komandası “Xəzər kuboku”nun açılışında iştirak edə bilməyib və gəmini dəyişərək öz ustalıqlarını avqustun 7-də nümayiş etdirəcəklər."

ANS PRES bu xəbərin nə dərəcədə doğru olub-olmaması barədə Müdafiə Nazirliyinə sorğu göndərib.

Müdafiə Nazirliyinin mətbuat xidmətindən ANS PRESS-in sorğusuna rəsmi olaraq bildirilib ki, bəzi kütləvi informasiya vasitələrində Xəzər dənizində keçirilən Beynəlxalq Hərbi Oyunlarda Azərbaycan Hərbi Dəniz Qüvvələrini təmsil edən gəmilərdən birində problemin yaranması ilə bağlı yayılan məlumatlar həqiqəti tam əks etdirmir: "Yaranan cüzi problem hərbi dənizçilərimiz tərəfindən dərhal yerində həll olunub. Hazırda yarışlara qatılan hərbi gəmilər onlardakı silah-texnika və ekipajla tam heyətdə turnirdə iştiraklarını uğurla davam etdirir. Yayılan məlumatlardan tam fərqli olaraq, hərbçilərimiz turnirin bu gün üçün nəzərdə tutulan proqramında verilən tapşırıqları müvəffəqiyyətlə yerinə yetirərək dəniz və hava hədəflərini məhv etməklə “əla” nəticə göstəriblər."


Azərbaycanın hərbi gəmisi

Xəbərin orijinal ünvanı: http://anspress.com/index.php?a=2&lng=az&cid=1&nid=357297

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR