Gürcüstan. Nizami Məmmədzadə-APA. Gürcüstanın prezidenti Georgi Marqvelaşvili Rusiya prezidenti Vladimir Putinlə görüşməyə hazırdır.
APA-nın Gürcüstan bürosunun məlumatına görə, bunu prezidentin xarici əlaqələr üzrə müşaviri Tenqiz Pxaladze bəyan edib.
Onun sözlərinə görə, Gürcüstan prezidenti bildirib ki, əgər görüş Gürcüstanın ərazi bütövlüyünün bərpası məsələsinə aid olarsa, onda prezident bu görüşə hazırdır: "Görüş Gürcüstanın ərazi bütövlüyünün bərpası məsələsinə aid olarsa prezident hər bir kəslə görüşməyə hazırdır."
O, həmçinin qeyd edib ki, əvvəllər prezident dəfələrlə də bu barədə danışıb, lakin hazırkı mərhələdə görüş planlaşdırılmayıb.