x
Loading...
.

Həcc ziyarəti ilə bağlı sənəd qəbulu başa çatır

Həcc ziyarəti ilə bağlı sənəd qəbulu başa çatır
16:32 7 Sentyabr 2015
38 Digər
Ölkə mətbuatı
A- A+
.

Azərbaycandan bu il Həcc ziyarətinə gedəcək zəvvarlar üçün sənəd qəbulu bu gün başa çatır.

Bununla əlaqədar bu gün saat 18:00-dan etibarən Səudiyyə Ərəbistanı səfirliyi tərəfindən viza verilişi dayandırılır.

Qafqaz Müsəlmanları İdarəsindən APA-ya verilən məlumata görə, Azərbaycan üçün ayrılan zəvvar yerlərindən cəmi 2 VİP yer boş qalıb ki, onu da artıq sifariş ediblər və kvota dolacaq.

Ümumilikdə bu il Azərbaycana 2400 zəvvar yeri ayrılıb.

Qeyd edək ki, bu həftədən - sentyabrın 11-dən Azərbaycanda Həcc ziyarəti başlayır. Sənəd qəbuluna martın 11-dən start verilib. Bu il ilk dəfə olaraq sənəd qəbulunun vaxtı yerlərin dolmaması səbəbindən indiyə qədər davam edib (ötən ilə qədər sənəd qəbulu üçün son tarix mayın 31-i müəyyən olunmuşdu). Hər il olduğu kimi, bu il də zəvvarlara ziyarət iki variantda təklif olunur. Daha yaxşı şəraitli (VİP) hotellərdə qalmaq, keyfiyyətli yeməklərlə təmin olunmaq və  4 nəfərlik otaqlarda yerləşmək üçün təklif olunan variant 5750 dollar, nisbətən ucuz, 6 nəfərlik otaqlarda qalmaq üçün təklif olunan variantın qiyməti isə 4700 dollardır.

Şərqdə baş verən hadisələrlə əlaqədar ziyarət yalnız təyyarə ilə baş tutacaq. Uçuşları AZAL həyata keçirəcək. Bu il ilk dəfə olaraq ödənişlər ABŞ dolları ilə aparılır.

Milli.Az


Xəbərin orijinal ünvanı: http://news.milli.az/society/367558.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR