Bakı, 29 yanvar, AzərTAc
Rabitə və Yüksək Texnologiyalar Nazirliyinin Məlumat Hesablama Mərkəzi "Elektron Hökumət" üzrə maarifləndirici təlimlərə başlayıb.
Mərkəzdən AzərTAc-a bildirilib ki, "Elektron hökumət" portalı bir sıra təhsil müəssisələri ilə əməkdaşlıq çərçivəsində seminarlar təşkil edib. “Kitab yoxsa kompyuter?”, “Virtual yoxsa real məmur?”, “Ənənəvi yoxsa elektron hökumət?” və s. mövzular çərçivəsində keçirilən tədbirlər "Dünya Məktəbi" və “Bakı Avropa liseyi”ndə davam etdiriləcək.
"Elektron Hökumət" quruculuğu, e-xidmətlər, e-imza üzrə keçirilən tədbirlərin əsas məqsədi dövlət-vətəndaş münasibətlərində innovasiya hesab edilən, bürokratik ənənəvi əməliyyatlara son qoyan elektronlaşmanın ictimai mahiyyətini, əhəmiyyətini və gələcək planları vətəndaşlara çatdırmaqdır.