Beynəlxalq Futbol Federasiyasının (FİFA) prezidentliyinə keçiriləcək seçkidə mübarizə aparacaq namizədlərin ərizə verməsinə qoyulmuş vaxt bu gün başa çatır. İndiki prezident Yozef Blatter seçkidə yenidən mübarizə aparacaq.
ANS PRESS-in məlumatına görə, o, bu barədə "Twitter" səhifəsində yazıb və artıq ərizə təqdim etdiyini deyib: "Bu gün seçki təqvimində mühüm gündür. Mən sifariş vermişəm. İndi iş seçki komitəsinə qalır...”
Prezidentlik uğrunda həmçinin daha 5 namizəd mübarizə aparır. Onların arasında Fransa millisinin sabiq futbolçusu David Jinola, FİFA-nın keçmiş baş katibi Jerom Şampan, Hollandiya Futbol Federasiyasının başçısı Maykl van Praq, portuqaliyalı keçmiş futbolçu Luiş Fiqu da var. FİFA-nın başçısı vəzifəsinə İordaniya kralı Əli Bin Əl-Hüseyn də iddialıdır.
Xatırladaq ki, Y.Blatter 4 ildir FİFA prezidentidir. O, son vaxtlar sərt tənqidlərlə qarşılaşır və korrupsiyada ittiham olunur.
Mənbə
ANS PRESS