Bakı, 30 sentyabr, AZƏRTAC
Yeni Zelandiya dəniz heyvanlarının artırılması və bəslənilməsi üçün ən iri dəniz qoruğunun yaradılması üzrə planını açıqlayıb.
AZƏRTAC ecoportal.ru saytına istinadla xəbər verir ki, “Kermadek məbədi” adlanan qoruğun sahəsi təxminən 620 min kvadratkilometrdir. Bu da Fransanın ərazisinə bərabərdir. Qoruq nəsli kəsilməkdə olan delfinlər, tısbağa və balinalar üçün sığınacaq olacaq. Ərazidə balıq ovu və dərin kəşfiyyat-qazma işləri qadağan ediləcək.
Ecazkar ada Tonqa və Yeni Zelandiya dövləti arasında Sakit okeanın cənub hissəsində yerləşir.