Hələb şəhərinin cənubunda Suriya ordusunun geniş hücum əməliyyatı İranın münaqişəyə artan müdaxiləsindən xəbər verir.
ANS PRESS-in məlumatına görə, Tehran rəsmi olaraq öz hərbiyyəsinin Suriyadakı vətəndaş müharibəsinə qarışdığını inkar edir.
Lakin Hələb əməliyyatına bir həftə qalmış Suriyaya yüzlərlə iranlı hərbçinin gəldiyi barədə məlumatlar yayılmağa başlamışdı. Bundan əlavə, İran Suriyada İslam inqilabı keçikçiləri korpusunun (İİKK) 4 yüksək rütbəli zabitinin Suriyada həlak olduğunu elan edib. İran mənbələrinə görə, son 3 il ərzində Suriyada İİKK-in 18 yüksək rütbəli zabiti həlak olub. Lakin 1 həftə ərzində 4 zabitin ölümü İran tərəfinin müharibəyə etiraf edildiyindən daha geniş miqyasda qatılmasından xəbər verir. Son günlər ərzində İran və Suriya media vasitələri hətta general-mayor Qasım Süleymaninin Suriyada çəkilmiş fotolarını da dərc etdirməyə başlayıblar.
Suriyada milli özünümüdafiə qüvvələrinin yaradılmasında İran iştirak edib.
İİKK rəsmilərinin təbirincə, Suriyada Milli özünümüdafiə qüvvələrinin yaradılması prezident Bəşər əl-Əsəd rejiminin müdafəsinə onların etdiyi ən böyük töhvə olub.
Ötən ilin may ayında general Həmədani İran tərəfindən 128 batalyona səfərbər edilmiş 70 min suriyalıya təlim keçirildiyini bildirmişdi. Bir neçə gün bundan əvvəl isə İİKK baş komandanı Məhəmməd Əli Cəfəri həmin batalyonlara ümumilikdə 100 min adamın səfərbər olunduğunu deyib. General Həmədaninin bildirdiyinə görə, "Bəsic" xalq silahlı birləşmələrinin 130 min üzvü ehtiyac olacağı halda Suriyaya yollanmağa hazırdırlar.
Ələddin Börücərdi prezident Əsəd ilə görüşüb.
İranlıların Suriyada sayı barədə dəqiq məlumat olmasa da, İran mediası hərdən itkilər barədə məlumatlar dərc edir. İyun ayında İRNA agentliyi son 4 il ərzində Suriyada 400 iranlı "könüllünün" həlak olduğunu bildirmişdi. Suriyada həlak olan İİKK zabitlərinin əksəriyyəti İran rəsmiləri tərəfindən keçmiş və ya istefaya çıxmış hərbçilər kimi təqdim olunur. İran parlamentinin xarici siyasət və dövlət təhlükəsizliyi komitəsinin rəhbəri Ələddin Börücərdi bu yaxınlarda Dəməşqdə keçirdiyi mətbuat konfrasında prezident Əsədin müraciəti əsasında İranın Suriyaya qoşun göndərməyə hazır olduğunu demişdi. Ehtimal olunduğuna görə, son aylar ərzində Suriya ordusunun uğursuzluqları və dünyada İŞİD terror qruplaşmasının güclənməsilə bağlı artan narahatlıq İranı daha qəti addımlar atmağa sövq edə bilərdi.
General Hüseyn Xamədani Suriyada Hələb şəhəri yaxınlığında öldürülmüşdü.
Suriya xəritədə
