Azərbaycan, Bakı, 12 noyabr /Trend/
Dünyanın ən yaxşı dağ xizəkçilərindən biri Yan Makintoş dağ silsiləsində nəzarəti itirib və yıxılıb.
Trend "National Geographic" jurnalına istinadən məlumat verir ki, idmançı qarlı ərazidə təxminən 1 dəqiqə ərzində 500 metr aşağı diyirlənib.
Ekstremalın sağ qalmasına təhlükəsizlik yastığını vaxtında açması da səbəb olub. Təhlükə sovuşandan dərhal sonra yarımcan Yan deyib: "Mən yaxşıyam".
Özünə gələn idmançı mətbuata açıqlamasında bildirib: "Elə bilirdim ki, bu heç vaxt bitməyəcək. Həmişə bu idmanla məşğul olmaq istəmişəm, buna görə bir çox yuxusuz gecələrim olub".
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
