Bakıda qumarxana reklam olunur.
Oxucular criminal.az-a bildirib ki, insanlar metronun "Elmlər Akademiyası" stansiyasının yeni çıxışında "Vegas klub" adı ilə fəaliyyət göstərən qumarxanaya dəvət olunur.
Şirnikləndirici pul uduşları göstərilən elanlar maşınların ön şüşəsinə yapışdırılır.
Criminal.az-ın əməkdaşı elanda göstərilən mobil nömrə ilə əlaqə saxlayıb. Qumarxana əməkdaşı bildirib ki, loto qumar deyil, qanuni şəkildə fəaliyyət göstərir.
Ərazi üzrə Yasamal rayon Polis İdarəsinin 28-ci bölməsindən bildirildi ki, yerində araşdırma aparılacaq. Qumarxana olması sübuta yetirilərsə, tədbir görüləcək.
Milli.Az 
