"Yeşilçam" dövrünün aktrisası Bahar Öztan həyatının ən ağır günlərini yaşayır.
Axşam.az-ın Türkiyə mətbuatına istinadən məlumatına görə, 53 yaşlı aktrisa üç ay əvvəl qarın nahiyəsindəki şişə görə xəstəxanaya gedib. Yumurtalığında xərçəng xəstəliyi olduğunu öyrənən aktrisa dərhal əməliyyat olunub.
Doqquz gün reanimasiyada qalan B.Öztan dünən oğluyla paparassilərin hədəfinə düşüb. Pis günləri geridə qoyan aktrisa hazırkı vəziyyətindən danışıb:
"21 gündən bir kimyaterapeya müalicəsi alıram. Heç bir zaman "niyə məhz mən" deyə soruşmadım. Qısa müddətdə çox arıqladım. Yaxşı ki, vaxtında müayinə olundum".
