"Mançester Yunayted"in hücumçusu Antoni Martial 2015-ci ilin yekunlarına görə "Golden Boy" ("Qızıl oğlan") mükafatına layiq görülüb.
Milli.Az goal.az-a istinadən xəbər verir ki, fransalı futbolçu ümumi səslərin sayına görə Ruben Neveş (Porto), Kinqsli Koman ("Bayern Münhen"), Ekstor Bellerin (Arsenal) və Munir əl-Haddadini (Barselona) geridə qoyub. Marsial bu mükafata sahib çıxan 3-cü "Mançester Yunayted"li futbolçudur. Daha öncə Ueyn Runi (2004) və Anderson (2008) analoji uğura imza atmışdılar.
Qeyd edək ki, bu mükafat 2003-cü ildə İtaliyanın "Tuttosport" nəşri tərəfindən təsis olunub. Bu nominasiyaya Avropanın aparıcı çempionatlarında çıxış edən 21 yaşından aşağı futbolçular daxil edilirlər. Ötən il "Golden Boy" mükafatına Rahim Sterlinq sahib çıxmışdı.
Milli.Az