"Real" rəhbərliyinin baş məşqçi postuna əsas namizədi Pep Qvardiola imiş.
Bu barədə ispan futbolunu yaxından izləyən BBC jurnalisti Qrem Hanter məlumat verib:
"6 həftə əvvəl "Real" Qvardiola ilə əlaqə saxlamışdı. Ona Madrid klubunun baş məşqçi postu təklif olunmuşdu. Bu, Pepin bütün klubların nəzərində ən yaxşı məşqçi olduğunu bir daha təsdiqləyir. Amma onun keçidi yaxşı qarşılanmazdı".
Pep Qvardiolanın növbəti mövsümdən etibarən İngiltərə Premyer Liqasında çıxış edən klublardan birini çalışdıracağı gözlənilir.
