Bakı. 10 yanvar. REPORT.AZ/ Türkiyənin paytaxtı Ankarada qadın voleybolçular arasında keçirilən və 2016-cı il Rio-de-Janeyro Yay Olimpiya Oyunlarına lisenziya xarakteri daşıyan Avropa təsnifat turnirinə yekun vurulub.
"Report"un məlumatına görə, finalda Rusiya ilə Hollandiya yığmaları qarşılaşıb.
Görüş şimal qonşularımızın qələbəsi ilə yekunlaşıb - 3:1 (25:21, 22:25, 25:19, 25:20). Bununla da Rusiya millisi son zamanlar münasibətlərində gərginliyin yaşanan Türkiyədə olimpiadaya yeganə lisenziyaya sahib çıxıb.