Topaz Premyer Liqasının XVIII turunun “Qarabağ”la matçından (1:1) sonra istirahətə buraxılan “Qəbələ” hazırlıqlara start verir. Fanat.az xəbər verir ki, təlim-məşq prosesi Türkiyədə baş tutacaq komanda bu gün qardaş ölkəyə yollanıb.
Komandanın legioner futbolçuları da düşərgəyə Antalyada qoşulacaq. Toplanış yanvarın 27-nə kimi davam edəcək.
Qeyd edəl ki, "Qəbələ" hazırlıq müddətində Antalyanın Belek bölgəsindəki “Gloria Sereniti” otelində məskunlaşacaq və 3 yoxlama oyunu keçirəcək. Roman Qriqorçuk yetirmələrini Almaniyanın “Osnabryuk” (16 yanvar), İsveçrənin “Sürix” (20 yanvar) və Ukraynanın “Dnepr” (24 yanvar) klubları ilə oyunlarda sınayacaq.
Fanat.az