Ermənistanda Azərbaycana qarşı yürüdülən işğalçılıq siyasəti və şovinist isteriyaya Serbiya vətəndaşı da "dəstək" olub.
Milli.Az bildirir ki, Ermənistanın Yüksək Liqasının 19-cu turunda oynanan "Şirak"-"Ararat" matçında meydan sahiblərinin heyətində çıxış edən serb legioner Nemanya Stoskoviç "Ararat"ın qapısına qol vurub.
Vurduğu qolu bayram edən serb futbolçu əynindəki futbolkanı çıxarıb. Onun əynində üzərinə "Karabakh is Armenia!" ("Qarabağ Ermənistandır!") yazılmış mayka vardı.
Serbiya vətəndaşı, 26 yaşlı Nemanya Stoskoviç bu ilin yanvarında Gümrünün "Şirak" klubuna transfer olub. Onun müqaviləsinin müddəti mayın 31-də başa çatır.
Xatırladaq ki, Londonun "Çelsi" klubunun serb futbolçusu Nemanya Matiç də erməni işğalçılarına dəstək olmuşdu.
O, üzərində "Qarabağ-Ermənistan, Kosovo-Serbiya" yazılmış plakatla çəkilmiş fotosunu sosial şəbəkələrdə paylaşmışdı
Milli.Az
Videonu izləmək üçün şəklə klikləyin:
