Türkiyə Böyük Millət Məclisinin deputatı Sinan Oğan ümid edir ki, Türkiyə Parlamenti Xocalı faciəsini soyqırım kimi qəbul edəcək.
ANS PRESS-in Trend-ə istinadən verdiyi məlumata görə, bunu Ankarada jurnalistlərə Türkiyə Böyük Millət Məclisinin üzvü Sinan Oğan deyib.
Onun sölərinə görə, təəssüf olsun ki, hələ də Xocalı soyqırımı ilə bağlı tam olaraq ədalət öz yerini tapmayıb.
Millət vəkili inanır ki, Xocalı faciəsi ilə bağlı ədalət gec-tez bərqərar olacaq.
S.Oğan qeyd edib ki, yüz il bundan əvvəl heç bir şəkildə var olmayan, “soyqırım” hekayəsini uyduranlar bu gün gerçək soyqırımı görmür, amma gec tez bunu görəcəklər.
Qeyd edək ki, artıq bəzi dövlətlərin parlamentləri Xocalı faciəsini soyqırım kimi tanıyıb. Mənbə
ANS PRESS
