Fransa millisinin keçmiş kapitanı Tyerri Anri Lionel Messi və Kriştianu Ronaldu arasında seçim edəcəyi halda "Barselona"nın ulduz futbolçusunu qeyd edəcəyini bildirib. Milli.Az goal.az-a istinadən xəbər verir ki, Anri argentinalı hücumçu ilə birlikdə oynadığını diqqətə çatdırıb.

"Kriştianu Ronalduya böyük hörmətlə yanaşıram. O, uzun müddət ərzində yüksək səviyyədə çıxış edir. Amma mən Messi ilə birlikdə çıxış etmişəm. Gözəl anlar yaşamışıq. Birlikdə qalib gəlib məğlubiyyətə üzülmüşük. Qısası, əgər bu iki futbolçu arasında seçim etməli olsam, birmənalı olaraq Messinin adını çəkərəm".

Milli.Az